Monday, September 8, 2008

ടെക്നികല് അനാലിസിസ് (Technical Analysis)

ടെക്നികല്‍ അനാലിസിസ് എന്താണ്‌ എന്നുള്ളത്‌ ഏതൊരു നിക്ഷേപകനും അറിഞ്ഞിരിക്കേണ്ട കാര്യമാണ്‌.ഇത്‌ ഏത്‌ സാധാരണ നിക്ഷേപകനും അമ്പരിച്ചിട്ടുള്ള കാര്യമായിരിക്കും.പക്ഷേ വളരെ എളുപ്പമുള്ള ഒരു കാര്യമാണീത്‌,അതായത്‌ ഒരു ഓഹരി ഏത്‌ സമയത്ത്‌ വാങ്ങണം,ഏത്‌ വിലയില്‍ വാങ്ങണം,ഏത്‌ വിലയില്‍ വില്ക്കണം,ഏത്‌ സമയത്ത്‌ വില്ക്കണം തുടങ്ങിയ കാര്യങ്ങള്‍ തീരുമാനിക്കുന്നത്‌ ടെക്നികല്‍ അനാലിസിസിനെ ഉപയോഗപ്പെടുത്തിയാണ്‌.അതായത്‌ വളരെ ചെറിയ കാലയളവിലേക്ക്‌ ഒരു ഓഹരിയുടെ വിലയിലുണ്ടാവുന്ന ചലങ്ങള്‍ ഏകദേശം മുന്‍കൂട്ടി മനസ്സിലാക്കാന്‍ ടെക്നികല്‍ അനാലിസിസ്‌ ഉപയോഗപ്പെടുത്തി ചെയ്യാന്‍ സാധിക്കും.പക്ഷേ ദീര്‍ഘകാലത്തില്‍ ഒരു ഓഹരിയുടെ വിലയിലുണ്ടാവുന്ന വ്യതിയാനം മനസ്സിലാക്കാന്‍ സാധ്യമല്ല.ഒരു നിക്ഷേപകനെ സംബന്ധിച്ചിടത്തോളം ടെക്നികല്‍ സ്റ്റഡി കൊണ്ട് വലിയ പ്രയോജനത്തിനുള്ള സാധ്യതയില്ല.പക്ഷേ ഒരു കച്ചവടക്കാരന്‍,അതായത് ഓഹരി വിപണിയില്‍ സാധാരണയായി പറയുന്ന ട്രേഡര്‍ക്ക്‌ വളരെയധികം ഉപകാരപ്രദമാണ്‌ ടെക്നികല്‍ അനാലിസിസ് ‌. അതിനാല്‍ ഒരു നിക്ഷേപകന്‍ ശരിക്കും ടെക്നികല്‍ അനാലിസിസ്‌ നടത്തുന്നതില്‍ കാര്യമില്ല,ഏത്‌ സമയത്തും നിശ്ചിത ഇടവേളകളില്‍ തുടര്‍ച്ചയായി നടത്തുന്ന നിക്ഷേപമായിരിക്കും ദീര്‍ഘകാലത്തില്‍ നേട്ടം തരുവാന്‍ സഹായിക്കുന്നത്‌. ഇനി നമുക്ക്‌ ഓഹരി നിക്ഷേപം നടത്തുന്നതിനുമുന്നോടിയായി,അറിയേണ്ട ഒരു ഓഹരിയുടെ വിലയെ സ്വാധീനിക്കുന്ന ഘടകങ്ങള്‍ എന്തെല്ലാം ആണെന്ന്‌ വിശദമായി മനസ്സിലാക്കണം,അതുമായി..........

No comments: